«Бу геройның да исеме бар – Бөек Армиянең гади солдаты»

9 декабрь көнне китапханәдә Ватан Геройлары көненә багышланган күңелгә үтеп керә торган очрашу узды. «Бу геройның да исеме бар – Бөек Армиянең гади солдаты» дип исемләнгән тарихи-мәгълүмати сәгать, укучыларга үзләрен кызганмыйча Ватаныбызны саклаган гади кешеләрнең батырлыкларын искә төшерү максатыннан үткәрелде.

         Балалар Бөек Ватан сугышы солдатларының батырлыгы, аларның фидакарьлеге һәм илгә мәхәббәтләре турында белделәр. Китапханәчеләр аларга, исемнәре киң таныш булмаган, ләкин Җиңүгә керткән өлешләре бәяләп бетергесез булган чын геройлар белән таныштырдылар.

         Укучылар фронттагы батырлык һәм ныклык, үзара ярдәм һәм иптәшлек турындагы хикәяләр ишеттеләр. Сугыш елларының фотосурәтләре, документаль фильмнардан өзекләр күрсәтелде, шулай ук солдатларның өйгә язган хатлары укылды.

         Чараның бик җанлы һәм истәлекле булуына өметләнәбез. Ул балаларга үз илләренең тарихы турында күбрәк белергә генә түгел, ә ата-бабалары белән, баш өстендәге тыныч күкне саклап калганнар белән горурлану хисләрен тоярга да ярдәм итте. Очрашу ахырында күп кенә укучылар Бөек Ватан сугышы геройлары һәм Россия тарихының башка батырлык битләре турында күбрәк белергә теләк белдерделәр.