«Закония иленә сәяхәт»

7 октябрь көнне китапханәдә «Закония иленә сәяхәт» дип исемләнгән хокукый әлифба үтте.

         Балалар «хокук», «закон», «җаваплылык» төшенчәләрен аңларга өйрәнделәр.

         Безнең яшь китап укучыларыбыз сорауларга җавап бирделәр, кызыклы уеннарда һәм викториналарда катнаштылар, бу аларга өйдә дә, мәктәптә дә кагыйдәләрне үтәүнең мөһимлеген, шулай ук ничек үз хокукларын яклауны аңларга ярдәм итте. Без һәр баланың кайгыртуга, белемгә, куркынычсызлыкка һәм хөрмәткә хокукы барлыгы турында сөйләштек.

         «Закония иленә сәяхәт» бары тик белем бирү генә түгел, ә бик күңелле вакыйга да булды. Укучылар үз фикерләре белән уртаклаштылар, бер-берсенә ярдәм иттеләр һәм законнарны белү күңелсез түгел, ә бик кызыклы һәм файдалы икәнен ачыкладылар!

         Без ышанабыз, мондый якты һәм истәлекле сәяхәттән соң безнең укучылар тагын да җаваплырак, игътибарлырак һәм үз-үзләренә ышанган булырлар, чөнки хәзер алар «Закония»нең нәрсә икәнен һәм анда кагыйдәләр буенча ничек яшәргә кирәклеген беләләр!