«Планетадагы кызыклы нәрсәләр турында журнал һәм газеталарданда укы»

19 май көнне китапханәдә «Планетадагы кызыклы нәрсәләр турында журнал һәм газеталарданда укы» дип аталган вакытлы матбугат көне үткәрелде. Анда катнашучылар вакытлы матбугатның нәрсә икәнен, аның кеше тормышында нинди роль уйнавын, газетаның журналдан нәрсә белән аерылуын, вакытлы матбугатның нинди булганын белделәр. Укучылар төрле тематикадагы журналларның зур исемлеге белән таныштылар: танып белү, күңел ачу, юмористик, әдәби басмалар. Периодик басмаларда теләсә нинди темага диярлек оператив мәгълүматлар табарга мөмкин булуын белделәр. Иң мөһиме – аларны үз мәнфәгатьләре нигезендә таба белү. Периодик басмалар ярдәмендә дөньяга карашыңны киңәйтеп кенә калмыйча, үзеңдә иң яхшы сыйфатлар да тәрбияләргә мөмкин.

         Укучылар нинди журналлар укырга яратулары, кайсы басмаларның фаворитлары булуы турында сөйләделәр. Чарага «Дөньядагы бар нәрсә турында да бу журналлар сөйләр» дигән вакытлы матбугат күргәзмәсе әзерләнде. Безнең китапханә укучылары өчен фондка даими рәвештә керә торган вакытлы матбугатның киң сайланмасы тәкъдим ителгән. Китапханәче кулланучыларга аларның күптөрлелеген яхшырак белергә ярдәм итү өчен бу басмаларга күзәтү үткәрде.