«Күңелеңне яхшылыкка өйрәт»

29 апрель көнне, китапханәдә башлангыч сыйныф укучылары өчен «Күңелеңне яхшылыкка өйрәт» дип исемләнгән мәрхәмәтлелек иленә әдәби сәяхәт үткәрелде. Башта балалар игелек, шәфкатьлелек, ихтирам, теләктәшлек, кызгану турында мини-лекция тыңладылар. Яхшылык - елмаю бүләк итә, шатлык китерә торган якты һәм күңелле хис, ул бәхет кисәкләре белән чагыштырырлык. Яхшылык - ул мәхәббәт, бәхет. Яхшы кеше, мохтаҗларга һәрвакыт ярдәм итәр.

         Кичә барышында төрле утраулар буенча  сәяхәткә киттеләр: «Яхшылык» (уклар белән тоташтырырга һәм «яхшылык» сүзенең мәгънәсен билгеләргә кирәк иде), «Мәкальләр» (мәкальләр җыю), «Көйне тап» (яхшылык турында җыр һәм җырлар), «Яхшылык кагыйдәләре» (игелеклелек кагыйдәләрен төзергә). Чарада Ю.Друнинаның «Доброта» шигыре, А.Бартоның «Вовка - доброя душа», «Вовка взрослым» шигырьләре укылды.

         Чарага «Бер-беребезне мәрхәмәтле сүз белән җылытырбыз!» дигән китап күргәзмәсе оештырылды.