«Сәламәтлек сукмагы буйлап»

7 апрельдә билгеләп үтелә торган Бөтендөнья сәламәтлек көне сәламәтлек саклауның глобаль проблемаларына игътибарны җәлеп итү һәм сәламәтлек турында кайгырту кирәклеге турында хәбәрдарлыкны арттыруга юнәлдерелгән мөһим вакыйга булып тора.

Бу көнне китапханәдә «Сәламәтлек сукмагы буйлап» дип исемләнгән китапханә дәресе үткәрелде. Башта китапханәче чарада катнашучыларга сәламәт яшәү рәвешенең сәламәтлекне ныгытуга ярдәм итә торган гадәтләрне һәм үз – үзеңне тотышны үз эченә алган комплекслы төшенчә булуы турында сөйләде. Безнең һәрберебез, сәламәтрәк һәм бәхетлерәк булыр өчен, үз гадәтләребезгә үзгәрешләр кертә ала. ЗОЖның төп компонентлары: дөрес туклану, физик активлык, психик сәламәтлек, зарарлы гадәтләрдән баш тарту, йокы һәм ял.  

Дәрес барышында балалар күңелле конкурслар һәм викториналар ярдәмендә «Сәламәтлек» илендә мавыктыргыч сәяхәттә булдылар. Балалар табышмакларны чиштеләр, сәламәтлек турындагы мәкальләрне, әйтемнәрне искә төшерделәр һәм аларның мәгънәсен аңлаттылар. Шундый уенлы, мавыктыргыч формада китапханәче яшь китап укучыларга сәламәт яшәү рәвешенең мөһим кагыйдәләрен: көн режимын үтәүне, организмны чыныктыруны һәм спорт белән шөгыльләнүне җиткерергә тырышты. Чара барышында алар шулай ук «Сәламәтлек илә сәяхәт» дигән китап күргәзмәсе белән таныштылар.