«Җәйге ял көннәрендә кулларыбызга китап алабыз»

11 июль көнне мәктәпкәчә һәм башлангыч мәктәп яшендәге балалар өчен «Җәйге ял көннәрендә кулларыбызга китап алабыз» дип исемләнгән әдәби – уен программасы үткәрелде.

«Бүгенге очрашу – яңа китаплар, яраткан балалар язучылары һәм шагыйрьләре белән танышу көне», — дип билгеләп үттеләр китапханәчеләр. Бу көнне балалар яраткан китаплары битләре буенча төрле әдәби конкурсларда катнашып, иҗади биремнәр үтәргә тиеш булдылар. Малайлар һәм кызлар табышмакларга җавап бирделәр, «Тылсымлы предметлар» викторинасы сорауларына җавап бирделәр. «Китапны танып бел» конкурсында балаларга әсәрләрдән төгәлләнмәгән җөмләләр укылды, яшь китап укучыларның бурычы аларны дәвам итү, китапның исемен һәм аның авторын билгеләү иде.

Балалар шулай ук «Җәйнең китап битләре» блицконкурсында катнаштылар, «Әкият ыгы-зыгысы» табышмаклар уены уйнадылар, «Сүзне әйтеп бетер» сүз уенында рифманы танып белделәр.

Мавыктыргыч викториналарда, конкурсларда һәм күңелле уеннарда катнашып, балалар бик күп уңай хис-кичерешләр һәм тәэсирләр алдылар.

Очрашу азагында чарада катнашучылар китап – иллюстратив күргәзмәдә тәкъдим ителгән сыйныфтан тыш һәм кызыклы уку әдәбияты белән таныштылар.