Туган җир токмачы

 Хуҗабикәләр камырны бирелеп бастылар, юка җәемнәр җәйделәр һәм оста итеп кистеләр. Эш барышында тыныч кына кызыклы хәлләр, балачак хатирәләре, әниләре һәм әбиләре токмачны ничек әзерләгәннәре турында сөйләштек. Һәркем үзенең серләре, буыннан-буынга күчүче традицион рецептлары белән уртаклашты.

 Ләкин иң мөһиме – бу тәмле сый гына түгел. Әзерләнгән токмач махсус хәрби операциядә катнашучыларга ярдәм итү өчен волонтерларыбызга тапшырылачак. Бу туган җирдән килгән ризыкның һәр кисәгендә  безнең егетләребезне кайгырту һәм җиңүгә ышаныч символы!

 "Туган җир токмачы" мастер-классы традицион ашны пешерергә өйрәнү мөмкинлеге генә түгел, аралашу, тәҗрибә уртаклашу һәм халыкның чын бердәмлеген күрсәтү өчен дә яхшы сәбәп булды. Бу үз кулларың белән чын күңелдән ясалган гади ризыкның иң авыр вакытларда җылыта һәм ярдәм итә алуын тагын бер кат исбатлады. Барлык катнашучыларга да хезмәтләре һәм җан җылылары өчен рәхмәт!