ҖИРЕБЕЗ - ТУГАН ӨЕБЕЗ

Кзыл-Яр авыл китапханәсендә Халыкара Җир көненә багышланган әдәби-экологик сәгать үткәрелде. Китапханәче сөйләвеннән балалар дөньяда кеше тормышы һәм табигать тормышы үзара бәйләнгәнлеген белделәр. Бөҗәкләр, кошлар, җәнлекләр һәм агачлар кешегә күпме файда китерә. Җир көне кешеләрне әйләнә-тирә мохитне саклау эшендә берләштерергә тиеш. Видео-презентациядән балалар табигатьне саклау өчен нәрсә эшләргә мөмкин икәнлеген, бер тапкыр кулланыла торган пластик савыт-саба проблемасы, чүп-чарны аерым җыю һәм эшкәртү турында белделәр. Балалар экологик грамоталылык, әйләнә-тирә мохиттә үз-үзеңне тоту культурасы нигезләре буенча викторинада катнаштылар. Балалар хәзерге заманның төп экологик проблемалары, су һәм һаваның пычрануы, урманнарның контрольсез юкка чыгуы турында белделәр, табышмакларга җаваплар бирделәр, Җир турында шигырьләр укыдылар. Чара азагында китапханәче барлык катнашучыларга «Җир Сәгате» халыкара акциясенә кушылырга һәм барлык электр приборларын бер сәгатькә сүндерергә тәкъдим итте.