ПОМИДОР ҮСТЕРҮ СЕРЛӘРЕ

Бакча темасы авыл халкы өчен һәрвакыт актуаль. Бакчачылар бер берсе белән яшелчә, җиләк-җимеш үстерү буенча ярыша диярлек. Бакча һәм яшелчә бакчасына багышланган чаралар укучыларыбызның үтенече буенча даими үткәрелә һәм күркәм традициягә әверелде. Бүген очрашуыбызның төп темасы помидор үстерү булды. Кем ничек һәм кайчан чәчә, нинди сортларны үстерергә ярата, үсентеләр нык булсын өчен нинди ашлама куллана - шушы һәм башка бик күп сорауларга катнашучылар бер-берсеннән киңәшләр алдылар. Чара барышында китапханәче шулай ук Россиядә помидорларның барлыкка килү тарихы турында сөйләде. Аннары чарада катнашучыларга помидор үстерү турында  видеоролик тәкъдим ителде. Чара азагында катнашучылар үзләренең яраткан томат сортларының орлыклары белән алмаштылар.