ХАЛКЫБЫЗНЫҢ ИҖАТЫНДА - АСЫЛ ТАМЫРЫБЫЗ

Мөнәҗәт сүзе - гарәп теленнән. Ул ялвару, нинди дә булса бәхетсезлек, нинди дә булса фаҗига белән бәйле ярдәм сорап Аллаһка мөрәҗәгать итү өчен кулланыла. Соңыннан бу сүз татар халык иҗатының тулы бер жанрын билгеләүгә әверелә. Без укучыларыбызны татар фольклорының бу матур жанры турында сөйләшергә чакырдык. Китапханәче кунакларны мөнәҗәтләр тарихы белән таныштырды. Кунакларга мөнәҗәтләр тыңларга һәм үзләрен башкаруда сынап карарга мөмкинлек бирелде. Безнең авылда гаиләләрдә мөнәҗәтләр буыннан-буынга тапшырыла. Бу безнең милли хәзинәбез, без ата-бабаларыбыз мирасын киләсе буыннарга тапшырырга тиешбез.