«Сезнең батырлыкны мәңге онытмабыз». Тематик сәгать.

Кәче авылы төп гомум белем бирү мәктәбендә укучылар белән «Сезнең батырлыкны мәңге онытмабыз» дип исемләнгән тематик сәгать үтте. Китапханәче укучыларны бәйрәм тарихы, хәрби батырлык һәм батырлыклары, исемнәре билгесез булган Россия һәм совет солдатлары белән таныштырды. Һәлак булган сугышчыларны искә алу йөзеннән шигъри юллар яңгырады. Чара барышында укучылар Бөек Ватан сугышында солдат һәм офицерларның батырлыгына багышланган һәйкәлләр һәм мемориаллар турында тыңладылар. Чарадан соң барлык катнашучылар Кәче авылы үзәгендә һәлак булган авылдашлар һәйкәленә чәчәкләр салдылар.