"Мои литературные знания"

     Яшүсмерләр өчен әдәби ринг әзерләдек. Ярышларда ике команда катнашты, алар «әдәбият белгече» исеме өчен көрәштеләр. Әдәби ринг  - алты раундлы ярыш. Биремнәр һәм сораулар мәктәп программасының рус әдәбияты буенча әзерләнде. 1 раунд -  «Язучыны таны», катнашучылар портретлар буенча язучылар һәм шагыйрьләрнең исемнәрен атарга тиешләр иде.  «Поэзия»- икенче раунд,  катнашучылар шигырьләрнең төшереп калдырылган сүзләрен искә төшереп, шигырьнең авторын һәм исемен атадылар. «Китаплар аукционы»нда  катнашучылар тышлыгы буенча китапның авторын һәм исемен белергә тиеш иде.  4 раунд -«Блиц - сораштыру»  әдәбият буенча гомуми сораулар белән дәвам итте. «Халык авыз иҗаты» раунды халык иҗатының төрле жанрлары буенча булган сорауларны һәм биремнәрне берләштерде.  Соңгы раунд - «Кара тартма». Укучылар алып баручының тасвирлавы буенча әдәби әсәр белән бәйле предметны табарга тиеш иде. Укучылар барлык сорау-биремнәрне дә уңышлы башкарып чыктылар.