«Ел китапханәчесе» XI Бөтенроссия конкурсы

Россия Федерациясе Мәдәният министрлыгы, Россия Милли китапханәсе, Санкт-Петербург дәүләт мәдәният институты китапханә хезмәткәрләрен «Ел китапханәчесе» XI Бөтенроссия конкурсында катнашырга чакыра, ул «Минем китапханәм кайда, Ватаным шунда» (Э. Роттердамскийның канатлы фразасы) девизы астында узачак.

Конкурс китапханә тармагы эшчәнлегенең югары стандартларын саклап калуга, һөнәри осталык лидерларын ачыклауга, яшь белгечләрне кызыксындыруга, социаль әһәмиятле китапханә-мәгълүмат проектларын алга җибәрүгә, тәҗрибә уртаклашуга һәм ил халкына китапханә хезмәте күрсәтүгә яңалыклар кертүне киңәйтүгә юнәлтелгән.

«Ел китапханәчесе - 2024» Бөтенроссия конкурсында катнашуга эш стажы 2 елдан да ким булмаган Россиянең һәркем файдалана ала торган китапханә хезмәткәрләре чакырыла.  Шулай ук «Китапханә-мәгълүмат эшчәнлеге» (бакалавриат һәм магистратура программалары) һәм «Китапханә эше» (урта һөнәри белем бирү программасы) белгечлекләре буенча көндезге бүлектә укучы студентларның катнашуы да күздә тотыла.

Гаризалар кабул итү китапханә хезмәткәрләре өчен 3 сентябрьгә кадәр, студентлар өчен 24 сентябрьгә кадәр дәвам итә.

Конкурс материалларын электрон рәвештә bg@nlr.ru (һәркем файдалана ала торган китапханәләр хезмәткәрләреннән) һәм bif@webmail.spbgik.ru (студентлардан) адресларына җибәрергә кирәк.

Катнашу шартлары, сроклары һәм кагыйдәләре турында тулырак мәгълүмат Россия милли китапханәсе сайтында урнаштырылган.

Контакт өчен мәгълүмат:

 

 

Башка яңалыклар