"Әкияттә кунакта" әдәби сәгать
Әкиятләр аша туган телебезнең байлыгын, матурлыгын күрсәтү, туган якка мәхәббәт тәрбияләү, балалардагы уңай сыйфатларны тәрбияләү максатыннан 8 февраль көнне Явлаштау “Ромашка” балалар бакчасында тәрбияләнүче балалар белән “Әкияттә кунакта” дип исемләнгән әдәби сәгать уздырылды. Балаларга татар халык әкиятләре укылды, “Шалкан” әкиятен балалар үзләре сөйләделәр. “Югалган матурлык” әкиятен тыңлаганнан соң балалар Әни кешегә ярдәм итү максатыннан ак биткә төшерелгән милли бизәкләрне буядылар.Әкият китаплары белән таныштылар.