«Сүзлекләр йорты-серле йорт»

Сүзлекләр  безнең  дусларыбыз  һәм  ярдәмчеләребез - чөнки алардан  карап  без  төрле  сүзләрне  дөрес  итеп  язарга, дөрес итеп бер телдән икенче телгә тәрҗемә итәргә,дөрес  итеп  фикер йөртергә,дөрес итеп  аралашырга  өйрәнәбез, белемнәребезне тагын  да арттырабыз, баетабыз. Ә бит безнең  белемнәребез - тормышыбызның  нигезе  һәм киләчәгебез  дигән  сүз. Митрәй  авыл  китапханәсендә  кече  яшьтәге  китап  укучылар  өчен «Сүзлекләр йорты – серле йорт» дип исемләнгән  библиографик дәрес үткәрелде.  Китап укучыларга  сүзлекләрнең тормышта нинди әһәмияткә ия булулары турында сөйләнде. Күргәзмә буенча китапханәче  китапханәдәге  төрле-төрле сүзлекләр белән таныштырганнан соң, кечкенә китап укучылар үзләре үк  сүзлекләр белән таныштылар, төрле сүзләрнең мәгънәләрен табып, укып та күрсәттеләр, шулай ук  аларга  яңа китаплар да тәгъдим ителде.