ТУГАН ТЕЛЕМ - ГАЗИЗ ТЕЛЕМ!

Кечкенә яшьтәге балалар белән шигырьләр укысаң, аларның туган телебезгә, нәфис сүзгә мәхәббәтләре барлыкка килә, сүз байлыклары арта, хәтерләре активлаша, игътибар белән тыңларга өйрәнү сәләте ныгый... Буралы авыл китапханәсе татар язучылары иҗат иткән шигырь китаплары белән танышырга, балалар белән бергә "кычкырып" укыганны тыңларга чакыра. Китапханәдәге кунакларым: Рузил (4яшь), Эвелина (2яшь). Балаларның әти - әнисе: Фаиз белән Йолдызга нәниләренә китапка, туган телебезгә хөрмәт тәрбияләп үстерүләре өчен зур рәхмәтләремне юллыйм.