"Кошлар" турында укыйбыз.

12 ноябрь көнне Россиядә "Песнәк көне" билгеләп үтелә.
Тагын бу көнне безнең илдә кышлаучы кошларны каршы алу көне буларак билгеләп үтәләр һәм канатлыларны ашата башлыйлар. Бу көннән башлап төрле торак пунктларда яшәүчеләр «кышкы кунаклар»ны - күчмә һәм кышлаучы кошларны: купшы чыпчыкларны, карабүрекләрне, песнәкләрне, күкканатларны каршы алырга әзерләнә башлыйлар. Кешеләр алар өчен яраткан ризыкларын- кыздырылмаган кабак, көнбагыш орлыкларын, тозсыз дуңгыз маен әзерләп куялар, төрле җимлекләр эләләр.