"Җәйге чәчәкләр" - рәсем дәресе

17 июнь көнне, Түбән Лоҗы китапханәсендә «Умырзая»  балалар клубына йөрүче балалар чираттагы чарага җыелдылар. Чарада балалар белән  «Җәйге чәчәкләр» исемендә рәсем дәресе үткәрелде.

Июнь - җәй ае. Бөтен җиһан ямьгә төренә. Матур итеп кошлар сайрый. Чишмәләр челтерәп ага. Көннәр озая, төннәр кыскара. Күктә кояш балкый. Шулай ук июнь - чәчәкләр ае да.

Балалар белән төрле символик мәгънәгә ия булган чәчәкләр турында  әңгәмә үткәрелде.  Чәчәкләргә багышланган шигырьләр, табышмакларны искә төшердек.

Балаларны  үзебезнең якта үсә торган бакча чәчәкләре, болын – кыр чәчәкләре  белән таныштырылды.

Кичә ахрында балалар үзләре яраткан чәчәкләрен ясадылар. Ясаган рәсемнәрдән «Җәйге чәчәкләр» исемендә күргәзмә оештырылды. Чарада –5  бала катнашты.