Выставка-обзор - «Җырым белән җиңдем дошманны» («Я победил со своей песней»).

15 нче февраль бөек шагыйребез, Советлар Союзы Герое Муса Җәлилнең туган көне. Һәр милләттә исеме телгә алынуга ихтирам уята торган шәхесләр була. Муса Җәлил - әнә шундый исемнәрнең берсе. Шагыйрь үзенең бөтен гомерен туган иленә, туган халкына багышлады. Аның бөтен тормышы — героик тормыш ул. Шул уңайдан китапханәдә герой-шагыйрь Муса Җәлилнең туган көненә багышланган «Җырым белән җиңдем дошманны» дип аталган китап күргәзмәсе оештырылды. Китап укучылар белән күргәзмәгә күзәтү ясалды.