«Серле пәрәвез: Интернет ресурслары»

7-нче февраль көнне, куркынычсыз интернет атналыгы кысаларында, Татар Кандызы авыл китапханәчесе 6-нчы сыйныф укучылары белән «Серле пәрәвез: Интернет ресурслары» дип исемләнгән  мәгълүмәт сәгате уздырды.   

  Китапханәче очрашуны табышмаклардан башлап җибәрде, укучыларга интернетның  файдалы һәм зарарлы яклары турында сөйләде. Укучыларга күбрәк  китап укырга, китапны яратырга, аның өстенлекләрен күрә белергә өйрәтте, шулай ук укучыларны Интернет челтәренә кагылышлы төп кагыйдәләр белән таныштырды. Балалар бик теләп, кроссвордлар чиштеләр, «Интернет-паучок» уенында катнаштылар. Чара бик күңелле үтте!