Нәниләр китапханәдә кунакта!

14 - нче август көнне Татар Кандызы  авыл  китапханәсендә иң кечкенә китап укучы  нәниләр кунакта булдылар. Бала кече яшьтән китап укып үссә, ул үскәч тә китапханәгә юлны өзми. Шуңа күрә экскурсиянең максаты мәктәпкәчә яшьтән үк аларны китап белән кызыксындыру, китапка сакчыл караш тәрбияләү. 

Китапханәче балаларны китапханә, китаплар, һәм китап фонды белән таныштырды. Аларга китапларны ертмаска, пөхтә итеп тотарга, укырга кирәклеге турында сөйләде. Балалар төрле формадагы китапларны, китапханә алдыра торган балалар журналларын бик яратып карадылар, куңелле уеннар уйнадылар.