“Китапханә безнең якын дустыбыз!”

Китап – кешенең хәтере, юлдашы, киңәшчесе, ярдәмчесе. Китапсыз халык - тарихсыз халыкка әйләнгән, ә тарихын оныткан халыкның киләчәге өзелгән.

Китапханә ул бик күп мәгълүмат, тарихи ядкарьләр, аң-белем, мәгърифәт тупланган йорт. Үзенә бик күп серләр туплаган китап киштәләре китапханәләрдә генә була. Чөнки меңләгән, миллионлап чыга торган китапларның барысын да шәхси китапханәләргә җыю мөмкин түгел, шуның өчен белемгә омтылган һәр кеше китапханәләргә юнәлә. 27 майда Бөтенроссия китапханәләр көне билгеләп үтелә шул уңайдан Кычытканлы авылы китапханәсендә “Китапханә безнең якын дустыбыз!” дип исемләнгән китап күргәзмәсе эшли. Бу күргәзмә китап укучыларда зур кызыксыну уятты. Алар бик теләп күргәзмәгә куелган китаплар белән таныштылар.