«Үзебезнең сәламәт булуыбызны телибез»
Морт авыл китапханәсендә акция кысаларында 5-6 нчы сыйныф укучылары өчен «Үзебезнең сәламәт булуыбызны телибез»дигән әңгәмә узды. Балалар нинди гадәтләр файдалы була, ә нинди зарарлы гадәтләр сәламәтлеккә зыян китергәнен белделәр. Алкогольле эчемлекләрнең үсеп килүче организмга тискәре йогынты ясавына аерым игътибар бирелде. Әңгәмә нәтиҗәсе: сәламәт һәм ирекле булу өчен зарарлы гадәтләргә каршы торырга, физкультура һәм спортка күбрәк игътибар бирергә кирәк.