Бөек Уильям Шекспир

  

Апрель аенда инглиз шагыйре, драматургы һәм гаҗәеп фикер иясе Уильям Шекспирның тууына 460 ел тула. Ул 37 пьеса, 154 сонета һәм берничә поэма авторы булып тора, алар дөньяның барлык телләренә диярлек тәрҗемә ителгән. Шекспирның дөньякүләм данын аның драмалары тудыра, алар арасында аеруча танылганнары: «Гамлет», «Отелло», «Ромео һәм Джульетта».

Уильям Шекспирның юбилее уңаеннан Айбаш авыл китапханәсендә китап күргәзмәсе әзерләнде. Күргәзмәдә шагыйрьнең тормышы һәм иҗаты  турында   җыентыклары һәм башка күп кенә әсәрләре тәкъдим ителде.