“Һөнәр сайлау – җаваплы эш”
Укучыларны һөнәр сайлауга хәзерләү, төрле һөнәр ияләренә ихтирам хисе тәрбияләү, һөнәр сайлауның җаваплы эш икәненә төшендерү, хезмәткә уңай караш, белем алуга омтылыш тәрбияләү максатыннан өлкән сыйныф укучылары белән “Һөнәр сайлау – җаваплы эш” дип аталган әңгәмә уздырылды. Анда “Һөнәр сайлау шәхси эшме?” дигән сорауга укучыларның фикерләре тыңланды. Төрле һөнәр ияләренә багышланган кроссворд чиштеләр. Анкета сорауларына җавап бирделәр.