12 июнь Россия көне «ЯРАТАМ СИНЕ РОССИЯ»
12 июньдә иң яшь һәм тантаналы милли бәйрәмнәрнең берсе – Россия көнен билгеләп үтәбез. Халык аны милли бердәмлек, теләктәшлек һәм тынычлык көне буларак бәйрәм итә.Илебезнең төп байлыгы – аның күпмилләтле халкы. Һәр халыкның үз мәдәнияте, гореф-гадәтләре бар, аларны сакларга һәм киләчәк буынга тапшырырга кирәк.Россия хезмәт сөючән, сәләтле, туган җиренә файда китерергә омтылган кешеләре белән көчле. Уртак максат белән берләшеп, без барлык авырлыкларны, теләсә нинди катлаулы бурычларны да җиңеп чыга алачакбыз.