"Җырлы да син, моңлы да син, туган телем!" әдәби ярыш.

21 февраль - халыкара туган тел көне уңаеннан мәктәп укучылары белән "Җырлы да син, моңлы да син, туган телем!" әдәби ярыш үткәрдек. Китапханәче Вәлиева Гөлия "Үлемсез дастаннар кебек моңлы син туган телем" дип исемләнгән татар халык иҗатыннан, сүзлекләрдән торган китап күргәзмәсе оештырды. Укучыларга " Ромашка" уены тәкъдим ителде. Ромашка таҗларының кире ягында тел турында мәкальләрнең азагын әйтеп бетерергә дигән бирем бирелгән иде. Китапханәче укучыларга татар халкының гореф - гадәтләренә кагылышлы сораулар бирде. Укучыларның җаваплары тыңлап үтелде. Шулай ук бәйге барышында укучылар Ш.Галиев, Шәйхи Маннур, Р.Вәлиев һ.б. шагыйрьләрнең  шигырьләрен сөйләп үттеләр. Бәйге  "Туган тел" җыры белән тәмамланды.