Безнең эшләребез
Кешелек дөньясы һәрвакыт матурлыкка омтылып яшәгән. Халкыбызның матурлап, бизәп, күнел нурын сибеп чиккән киемнәре,энҗе-мәрҗәннәре булган. Кайбер һөнәрләр инде бөтенләе белән үткән гасырларда калса да заман белән бергә яңа төрле эшләү алымнары, яңа төрле матурлык тудыруча кул эшләре барлыкка килде. Бүген, 28 май көнне Явлаштау авыл мәдәният хезмәткәрләре “Безнең эшләребез” дип исемләнгән чара уздырдылар. Квилинг, җиңел пластилиннан, мәрҗәннәрдән эшләнгән кул эшләнмәләре күргәзмәсе эшләнде. Балалар күргәзмә белән, шуларны эшләргә өйрәткән китаплар белән танышканнан соң җиңел пластилиннан үз фантазияләреннән чыгып брелок ясадылар.