Зур галәм серләре

Борынгы заманнардан бирле йолдызлы күк кешеләрнең игътибарын җәлеп итә, ул һәрвакыт үзенең матурлыгы һәм ирешелмәслек булуы белән кызыктырган. 1961 елның 12 апрелендә Җир орбитасына дөньяда беренче тапкыр космик корабль чыгарыла.. Шуннан бирле бу көнне Россиядә Космонавтика көне буларак билгеләп үтелә. Шул уңайдан Явлаштау авыл китапханәсендә “Зур галәм серләре” дип исемләнгән китап күргәзмәсе эшләнә.  Күргәзмәдә төрле яшьтәге балалар өчен космоска багышланган,  сорауларга җавап табырлык китаплар  туплана. Күргәзмә киң катлау китап укучыларга тәкъдим ителә.