"Бергә үттек тормыш юлларын" тематик кичә

Үзидарәләр көне ул авыл җиредә хезмәт куйган, халык белән эшләгән һәркемнең профессиональ бәйрәме дип әйтергә мөмкин. Ул 2013 елдан билгеләп үтелә. Җирле үзидарәләр көне уңаеннан Явлаштау авыл мәдәният хезмәткәрләре “Бергә уздык хезмәт юлларын” дип исемләнгән тематик кичә уздырдылар. Авыл җирлеге башлыгы булып озак еллар эшләгән, бүгенге көндә лаеклы ялдагы Файзуллин Наил абый оешма җитәкчеләре белән “утырыш” уздырды. Тарихка кереп калган бик күп истәлекләр барланды, күңелле вакыйгалар сөйләнде. Яңгыраган җырлар чараны тагын да ямьләде.