"Пользуемся интернетом" әңгәмә

Бүген интернет тормышыбызга бик тирән үтеп керде, аннан башка яшәешне күз алдына да китерү авыр.. Күп кенә эшләрне җиңеләйтү белән беррәттән аның тискәре яклары да килеп чыкты. Балалар белән шул темаларга сөйләшү максатыннан Явлаштау авыл китапханәсе  һәм мәдәният йорты хезмәткәрләре “Пользуемся интернетом” дип исемләнгән әңгәмә уздырдылар. Әңгәмә барышында балалар үзләренең фикерләрен җиткерделәр. Кросворд сорауларына җаваплар яздылар. Чара  “Әдәби алан” проекты кысаларында “Халкыбызның күңел җәүһәрләре” дип исемләнгән интеллектуаль уен белән дәвам итте. Балалар  проекттагы биремнәрне чишеп дәфтәрләренә язып куйдылар.