"Әйтер сүзем бар" очрашу
Һәркем матур,акыллы, зәвыклы, бәхетле булырга омтыла. Бу бигрәк тә яшүсмер кызларга хас әйбер. Аларның шушы омтылышларын күздә тотып, 31 январь көнне Явлаштау авыл китапханәсендә “Әйтер сүзем бар” дип исемләнгән очрашу уздырылды.Кызларга әйтер сүзе күп иде шәфкать туташының. Ул зифа булу серләре, гигиена таләпләре, сәламәтлек турында сөйләде. Кызларның сорауларына җавап бирде. “Матур буласың килсә” дигән китапка күзәтү ясап, шәфкать туташының чыгышы тулыландырылды.