"Гаилә учагы" әдәби сәгать

Халыкара гаилә көне 1994 елдан билгеләп үтелә. Ул 15 май- табигатьнең иң матур чагына туры килә.  Гаилә...шушы сүздә нинди тирән мәгънә ята. Гаилә ул - әти, әни, балалар, баш өстендә бер түбә, бер үк фамилияләр,  буыннан - буынга өзелмичә дәвам итүче тирән тамырлы нәсел җебе. Шул уңайдан Явлашта авыл китапханәсе  мәдәният йорты белән берлектә “Гаилә учагы” дип исемләнгән әдәби кичә уздырдылар. Кичәгә чакырылган катнашучылар гаилә тормышы, аның нечкәлектәре, бер- береңне аңлап яшәү турында алтын сүзләр белән чыгыш ясадылар. Гаиләдә булган кызыклы хәлләр искә алынды. Башваткычтагы сораулар да алар өчен авыр булмады. Китап укучыларның яратып укый торган “Гаилә учагы” журналының 5 саны белән таныштырылды.