Акция "Бәйрәм белән!"
Бөек Җиңүнең 76 еллыгын бәйрәм итү алдыннан 7 май көнне Явлаштау авыл мәдәният хезмәткәрләре тыл ветераннары һәм сугыш чоры балаларының өйләрендә булып, балалар белән ясаган бәйрәм открыткалары һәм 8 май көнне булачак бәйрәм тантанасына чакыру тараттык. Үзләренә булган хөрмәт һәм игътибардан сугыш чорының авырлыкларын күтәргән ветераннарыбызның күзләренә тибеп чыккан яшь тамчылары аша үткәннәрен, әти- әни, абый –апаларын искә төшереп истәлекләрен безнең белән дә уртаклаштылар. Үзләренә булган хөрмәт өчен олы рәхмәтләрен җиткерделәр. Урамда очраган авылдашлар өчен махсус ясалган бәйрәм открыткалары да үз ияләрен тапты,һәм бәйрәм рухы уятты.