"Яз килә" рәсем конкурсы

Бәләкәй вакытта һәрбер бала да рәсем ясарга ярата. Ул үзенең рәсеме белән телдән әйтә алмаганнарын да әйтеп бирергә мөмкин.  Рәсем ясау күрү сәләтен арттыра, яшәеш, дөньяны күзалларга, матурлыкны күрергә ярдәм итә, туган якка мәһәббәт тәрбияли. Шул уңайдан 27 март көнне Явлаштау авыл китапханәсендә мәдәният йорты белән берлектә  "Яз килә"дип исемләнгән рәсем конкурсы оештырылды. Балалар рәсем ясаганда яз турында И. Солтанның “Тәмле телле малай”, М. Галиевның “Сипкелле малай” китапларыннан  шигырьләр укылды.